ANNUNCA

Attia...si si attia
mussu i nicchiu
chi va circandu 'cca?
Vatindi i 'nda vanda
'dda a 'mmenzu e iavandoti
oppuru va curchiti
va curchiti mannaia a 'ddiu
chi quandu carunu i munti
u iornu è ancora longu
e u puorcu grugnia
e u sceccu ragghia
e u iaddu pizzica
e i furmiculi fuiunu
e i muschitti
sunnu 'mpari di iavandoti.

U matarazzu è ruttu
u focu cu u 'ddumau?

To soru è bedda assai
to soru non vindi pumaduru
e ieu, si si ieu
non sugnu iavandotu
si stai 'cca i sta vanda
ieu ti fazzu u culu a tarallu
o a cappeddu i previti
o comu a chiddu i Massimeddu.

Annunca...mi 'ndi futtu
di gneddi e di muntuni
pirchì mi 'ndi futtu
di sacramenti
mannaia a 'ccussì.

Attia...tu sciugasti mai u culu
chi petri da jumara?
Non mi senti
o ti pirdisti 'nte campi i melacrinu?
A ballasti mai a tarantella
supra a panza di sciacalli?

U Signuri sapi
U Signuri ti futtiu
e a lenza sa' mangiaru
i piscicani.

Si non capiscisti
ta cuntu natra vota
quandu brisci.
 

"questi versi li ho scritti

grazie a mio Padre, al Padre di mio Padre

ai Briganti serresi e a Francesco Villari"