PI SEMPRI

E' ancora luntana a sira

chi tuttu u suverchiu

ava essiri u nostru.

E' ancora luntana l'ura

chi iti e circati a limosina

'nte stradi e senza scarpi.

E' ancora luntanu u minutu

chi a puntati nto culu

vi ccumpagnamu a zappari.

Ancora è tempu vostru

ancora navigati 'nta l'oru.

Ma carunu i muntagni

cari diu cu tutti i santi

si passisciuni puru i juri finti

si fermunu i rriloggi

vi mangiunu i vostri stessi cani

e quandu non sapiti chiù

a cu mi ci circati pirdunu

'nchianati suli suli supra a cruci

e vi purtati luntanu i ccà,

luntanu i ccà pi sempri

tutti i vostri maliritti piccati.

pinuzzu amaddeo

 

p.s. : chiedo scusa per il mio pessimo dialetto